O Instituto acaba de recibir o primeiro premio do Certame "Cooperativismo no Ensino" na Categoría F: alumnos/as de segundo ciclo da ESO. Este proxecto foi deseñado polo grupo de traballo de educación solidaria, caracterízase fundamentalmente por ser interdisciplinar e basease no traballo en equipo de alumnas/os e profesoras/es, para conformar un proxecto cooperativo-solidario
Finalidade do traballo:
Este proxecto consiste na lectura de textos solidarios acompañada de
música e interpretación. Está destinado especialmente a persoas maiores
socias das cooperativas de consumo do territorio e rapaces enfermos en
hospitais do noso contorno, pero estará aberto a toda a comunidade en xeral,
evitando calquera tipo de discriminación.
Como contrapartida propoñemos as cooperativas participantes que destinen
unha cuantía do seu Fondo de Obras sociais ( Na cantidade que eles estimen )
e/ou axuda técnica voluntaria nos proxectos solidarios que desenvolvamos no
Instituto con países do Sur ( América do Sur e África prioritariamente )
Os alumnos/as participan con voz e voto na comisión creada para establecer
os proxectos aos que destinaremos os fondos obtidos coa actividade
cooperativizada ( Fondo de finanzamento ético ). As cooperativas que
participen no proxecto poderán participar con voz e voto e implicarse como
elas mesmas estimen nos proxectos de desenvolvemento co Sur.
